Athigaram 4

Kural- 0031

அதிகாரம்/Chapter/Adhigaram: அறன் வலியுறுத்தல்/Assertion of the Strength of Virtue/Aran Valiyuruththal

இயல்/ChapterGroup/Iyal: பாயிரவியல்/Prologue/Paayiraviyal 1

பால்/Section/Paal: அறத்துப்பால்/Virtue/Araththuppaal 1

Kural in Tamil:

சிறப்பீனும் செல்வமும் ஈனும் அறத்தினூஉங்கு
ஆக்கம் எவனோ உயிர்க்கு.

Kural in English Transliteration:

Sirappu Eenum Selvamum Eenum Araththinooungu
Aakkam Evano Uyirkku.

Couplet Explanation:

Virtue will confer heaven and wealth; what greater source of happiness can man possess ?.

மு.வ உரை:

அறம் சிறப்பையும் அளிக்கும்: செல்வத்தையும் அளிக்கும்: ஆகையால் உயிர்க்கு அத்தகைய அறத்தை விட நன்மையானது வேறு யாது?.

சாலமன் பாப்பையா உரை:

அறம், நான்கு பேர் முன் நமக்கு மேன்மையைத் தரும்; நல்ல செல்வத்தையும் கொடுக்கும். இத்தகைய அறத்தைக் காட்டிலும் மேன்மையானது நமக்கு உண்டா?.

கலைஞர் உரை:

சிறப்பையும்,  செழிப்பையும்   தரக்கூடிய    அறவழி   ஒன்றைத்தவிர
ஆக்கமளிக்கக் கூடிய வழி வேறென்ன இருக்கிறது?

Rev. Dr. G.U.Pope Translations:

It yields distinction, yields prosperity: what gain
Greater than virtue can a living man obtain?

Yogi Shuddhananda Translations:

From virtue weal and wealth outflow;
What greater good can mankind know?

Easy reading Thirukurral  by Parimelazhagar :

சிறப்பீனுஞ் செல்வமு மீனு மறத்தினூஉங்

காக்க மெவனோ வுயிர்க்கு.

சிறப்பு ஈனும் செல்வமும் ஈனும் அறத்தின் ஊங்கு.

ஆக்கம் எவனோ உயிர்க்கு.

தொடரமைப்பு:

 சிறப்பு ஈனும் செல்வமும் ஈனும் உயிர்க்கு அறத்தின் ஊங்கு ஆக்கம் எவன் ஓ.

பரிமேலழகர் உரை:

(இதன் பொருள்) சிறப்பு ஈனும் = வீடு பேற்றையும் தரும்;

செல்வமும் ஈனும் = (துறக்கம் முதலிய) செல்வத்தையும் தரும்:

உயிர்க்கு அறத்தின் ஊஉங்கு ஆக்கம் எவன்ஓ = ஆதலான் உயிர்கட்கு அறத்தின்மிக்க ஆக்கம் யாது?

பரிமேலழகர் உரை விளக்கம்:

எல்லாப்பேற்றினும் சிறந்தமையின் வீடு ‘சிறப்பு’ எனப்பட்டது. ‘சிறப்பென்னும் செம்பொருள்’ (358) என்ற திருக்குறளிலும், சிறப்பு என்பது வீடு என்னும் பொருளில் வந்தது. ‘சிறந்தது பயிற்றல்’ (கற்பியல்,51.) எனத் தொல்காப்பியத்து வருதலுங் காண்க.

ஆக்கந் தருவதனை ‘ஆக்கம்’ என்றார்.

ஆக்கம் ‘மேன்மேலுயர்தல்’.

ஈண்டு ‘உயிர்’ என்றது மக்கள்உயிரை, சிறப்பம் செல்வமும் எய்தற்குரியது அதுவேயாகலின்.

இதனால் அறத்தின்மிக்க உறுதி இல்லையென்பது கூறப்பட்டது.